Қазақстан кітапханаларына құнды сый

Ермек Тұрсынов пен Марғұлан Сейсембаев

17.02.2025 by Команда Сайта in Без рубрики ⋅ Новости

2025 жылы 15 ақпанда, сағат 15:00-де, Қазақстан Республикасы Ұлттық кітапханасының Үлкен залында «Халықаралық кітап сыйлау күні» аясында қайырымдылық іс-шара ретінде ұйымдастырылған белгілі жазушы, режиссер-драматург Ермек Кәрімжанұлы Тұрсыновтың 15 томдық кіші шығармалар жинағының ҚР Ұлттық кітапханасына және өзге де кітапханаларға сый ретінде тапсыру салтанаты өтті.

Ермек Тұрсынов – оқырмандар арасында танымал автор, оның «Мамлюк», «Мелочи жизни», «Қарашаңырақ», «Жили-были» және басқа да кітаптары, сондай-ақ «Келін», «Шал», «Жат» және т.б. культтік фильмдері арқылы кеңінен танымал. Оның шығармашылығы Қазақ халқының дәстүрін, философиясын және ерекше рухын терең бейнелейді.

Шараны Қазақстан Жазушылар одағының мүшесі, филология ғылымдарының докторы Светлана Ананьева жүргізді.

Кеш барысында тыңдарман қауым арасынан кеш қонақтарына сұрақтар қойылды.

Аталмыш іс-шараға кәсіпкер, меценат, инвестор, қоғамдық қайраткер, инновациялық және әлеуметтік маңызы бар жобаларымен танымал тұлға Марғұлан Кәлиевич Сейсембаев қатысты.

Автордың 15 томдық кіші шығармалар жинағы кітапхана басшыларына тарту етілді.

Бұл жоғары гуманистік іс-шара еліміздің мәдени мұрасын сақтап, дамытуға айрықша үлес қосатыны сөзсіз.